Årsstudium i tradisjonskunst

Kvifor årsstudium i tradisjonskunst?

Er du interessert i handverk, formgjeving og tradisjonar, kan du gjennom studiet fordjupe deg i dine interesser. Du vel å fordjupe deg i eitt av materialområda: tre, metall eller tekstil. Du får tett oppfølging gjennom studieåret og individuell rådgjeving til val knytt til eiga utøving.

Dette lærer du

Årsstudiet inneheld ei brei innføring i tradisjonshandverk, formgjeving og tradisjonskunstens eigenart. 

Kjerneområda i studiet er: 

Utøving og skapande arbeid: Praktisk og teoretisk tradisjonskunnskap, tradisjonelle handverksteknikkar og materialkunnskap, utøving og skaping innan valt materialområde, og innføring i tradisjonskunstens eigenart og formspråk.

Tradisjonskunnskap: Studiet gir deg innsikt i den sosial og kulturelle konteksten til tradisjonskunsten, både i eit lokalt, nasjonalt og internasjonalt perspektiv. Praktisering av tradisjonskunst omhandlar ei vidareføring av tradisjonshandverk saman med skapande formgjeving.